Entre mazapáns e turróns

vai un novo goberno,

unha nova oposición,

 van que meten medo

pisando o acelerador

cara a saída da crise

do paro e da recesión.

Entre noces e polvoróns

 medidas e desilusións,

tan só falta que as digan

para comezar a función.

O primeiro recorte do ano

xa se sabe cal vai ser,

sen chocolate con churros,

tan so leite ou café.

 

Poesía creada por Xurxo M. Gago Chao

LER MÁIS

Dun modo trobadoresco

vanse escribindo versos

pola recesións nos tempos.

Noutro modo quixotesco

vense muíños xigantescos

pola recesións nos tempos.

Doutro modo máis grotesco

vense recortes dantescos

pola recesións nos tempos.

Nestoutro modo pintoresco

óense carallos boquifrescos

polas recesións nos tempos.

Poesía creada por Xurxo M. Gago Chao

LER MÁIS

Soan xentes a unha soa voz

ante a avaricia feroz

dos que empobrecen a Galiza.

Soan cántigas reivindicativas

por unha vida máis xusta

e mellor repartida.

Soan berros de farturas

dos espíritos loitadores

que loitan berrando nas rúas,

defendendo sustentos,

 reivindicando vida. 

Poema creado por Xurxo M. Gago Chao

LER MÁIS

Estanse evaporando

os tempos democráticos

e vanse aniquilando

os principios máis pragmáticos.

Estase camiñando

por camiños moi erráticos,

moitos recortes básicos

nestes tempos pouco lóxicos

de orzamentos burocráticos.

Poesía creada por Xurxo M. Gago Chao

LER MÁIS

Foran dirhemes de prata.

Foran Marabedís de ouro.

Fora enchido tesouro.

Fora moeda sangrada.

Fora dobra. Fora escudo. Fora branca.

Fora moeda da espada.

Fora florín. Fora dinar. 

Fora croat.

Fora moeda gastada.

Foran moedas Vellón.

Foran reais. Foran canelas.

Foran prezados patacóns.

Foron tan so moedas.

Foran motas. Foran dobróns.

Foran céntimos. Foran pesetas.

Agora euros, imposicións,

e ata cruentas e financeiras guerras.

Poema creado por Xurxo M. Gago Chao

LER MÁIS

Chamádelle “FMI”,
chamádelle “EUA”,
chamádelle “Wall Street”
ou merda que mais dará.

Chamádelle especulación,
logo crise e despois recesión.

Falade da ambición
dun mundo financeiro versátil,
vertedoiro de cartos retráctil,
verxel do diñeiro volátil.

Descóbrese unha “OPA hostil”
e “brokers” máis de mil.

Que se o “IBEX 35”,
que se a divisa e o “Euribor”,
que se o signo negativo,
se tiraran todo o lixo.

Moito “cash” 
moito “crash”,
moita hora bruxa,
 moita merda egoísta xunta.

Poesía creada por Xurxo M. Gago Chao

LER MÁIS