O sol na miña man

Unha estrela nunha man

dende unha perspectiva
entre a area e o mar,
entre a luz reflectida.

Unha estrela nunha man
vida que aferra vida,
tocando o disco solar
na tarde acaecida.

Cunha estrela nunha man
a luz empequenecida
conséguese acurrunchar
en maxia coexistida.

Cunha estrela nunha man
a vida sobreentendida
conséguese interpretar
de maneira definida.

Unha estrela nunha man,
unha foto pretendida,
propósito de capturar
ilusión esparexida.

Poesía creada por Xurxo M. Gago Chao