“Desfragmentando” o cerebro,
actualizando masa cerebral,
instalando novo pensamento,
premendo en aceptar.
Reordenando coñecemento,
“update” da aplicación soñar,
descomprimindo arquivos, vai lento,
premendo en instalar.
Depurando os datos vellos,
transferindo “software” teimar,
eliminando sentimentos inconexos,
premendo en depurar.
Detectando arquivos infectos,
premendo en eliminar,
aplicando novos retos,
premendo en aplicar.
Cerebro desenrolando procesos,
instalado o “driver” imaxinar,
instalados novos progresos,
premendo en reiniciar.
Reiniciando entendementos,
abrindo programa vivificar,
informatizando neuronas e intelecto,
executándose a aplicación espertar.
Poesía creada por Xurxo M. Gago Chao
