Neste día de chuvia miúda

xa comeza a andadura do invern

co silencio da tarde e

co orballo preguiceiro.

Neste día calmado de ventos

foise o outono froiteiro

deixando no chan dos bosques

alfombras de froitos xa secos.

  

Poesía creada por Xurxo M. Gago Chao

LER MÁIS

Repetímonos de maneira cíclica
cos mesmos xestos
e coa mesma mímica,
cos mesmos feitos
e coas mesmas dichas.

Repítense de maneira cíclica
os mesmos sentimentos
e as mesmas políticas,
as mesmas representacións
e as mesmas películas.

Repítense de maneira cíclica
os mesmos chamamentos
e as mesmas razóns perdidas,
as mesmas situacións,
as mesmas indiferenzas coñecidas.

Repítense desilusións
repítense alegrías,
repítense de maneira cíclica
novos desexos para novas vidas.

 Poesía creada por Xurxo M. Gago Chao

LER MÁIS

Novas fechas

Novos proxectos

Novas ideas

Novos traxectos

Novas torpezas

Novos comezos

Novas chuvias

Novos ventos

Novas astucias

Novos desexos

Novas ledicias

Novos lamentos

Novas amizades

Novos sentimentos

Novas costumes

Novos erros

Novas correccións

Novos consellos

Novas cancións

Novos versos

Novas imaxes

Novos espellos

Novos quereres 

relevan aos vellos.

Poesía creada por Xurxo M. Gago Chao

LER MÁIS

Choverá estrelas

mais ninguén se mollará con elas,

choverán desexos fulxidos

e esperarase a que sexan cumpridos.

Fulgor na noite e no ceo,

cada fulxencia un desexo,

unha estrela fulminante

 chega ao seu apoxeo.

Bágoas refulxentes,

desexos das xentes,

de esperanzas 

está o mundo cheo.

 

Poesía creada por Xurxo M. Gago Chao

LER MÁIS

Pensamento negativo, 
¿quen o quere?
Eu co positivo
xa vou a onde me leve.

Versos de Xurxo M. Gago Chao

LER MÁIS

Desexos ao longo dun ano
novos sentimentos virán
novas penas, novos enganos
novos soños para alcanzar.
Novas metas, novos retos
novos sentires chegarán
novos gustos, novos sustos
novos ánimos inquedos
novas bágoas por chorar.
Novos sorrisos, novas ledicias
nova vida por fabricar.

Poesía Creada por Xurxo M. Gago Chao

LER MÁIS