A lei do karma ben sabe
e a lei da vida tamén,
as dúas equilibran
os feitos do mal e do ben.

Cunha balanza sopesan
quítanlle a quen máis ten,
botan ao que lle falta
e déixan todo a nivel.

 

Poesía creada por Xurxo M. Gago Chao

LER MÁIS

Ben se sabe onde estabamos
naqueles anos pasados
naquelas importantes datas
dos inesquecibles calendarios
pois os círculos vermellos
sinalan sucesos marcados
e quedan na mente impresos
e na memoria trabados.
Ben se sabe dos días que ván
e dos seus sentimentos xerados.
Ben se sabe que non esmorecen
os tristes feitos lembrados.

Poema creado por Xurxo M. Gago Chao

LER MÁIS

Sermos avatares duais,
temos vida na terra
e vida nas redes sociais.
Sermos reais, sermos dixitais.
Sermos dubitativos, quizais.
Sermos perfís en palabras.
Sermos imaxes retocadas.
Sermos listaxes.
Sermos persoas etiquetadas.
Sermos feitos, sermos lembranzas.
Sermos o que facermos
nas nosas rutinas diarias.

 Poesía creada por Xurxo M. Gago Chao

LER MÁIS

Repetímonos de maneira cíclica
cos mesmos xestos
e coa mesma mímica,
cos mesmos feitos
e coas mesmas dichas.

Repítense de maneira cíclica
os mesmos sentimentos
e as mesmas políticas,
as mesmas representacións
e as mesmas películas.

Repítense de maneira cíclica
os mesmos chamamentos
e as mesmas razóns perdidas,
as mesmas situacións,
as mesmas indiferenzas coñecidas.

Repítense desilusións
repítense alegrías,
repítense de maneira cíclica
novos desexos para novas vidas.

 Poesía creada por Xurxo M. Gago Chao

LER MÁIS

Crucei unha nube de positividade

e respirei un ánimo de calidade.

Saín contento e risoño

ao respirar un positivo aire.  

A vida, que complicada é,

cada certo tempo

hai que renovar a fe.

Poesía creada por Xurxo M. Gago Chao

LER MÁIS

Querer é motivo

facer é saber

alento é ser vivo

construír é crer.

Sen fe, descreído 

descrer, desfacer,

camiñar cara ao precipicio

do desánimo do ser.

Poesía creada por Xurxo M. Gago Chao

LER MÁIS

 

Non dou feito,
acumúlaseme o amor,
de amor latexa o meu peito
e amor é o que sinto por dentro
coa xente que quero ao meu redor.  

Poesía Creada por Xurxo M. Gago Chao

LER MÁIS