A modiño na vida,sempre con prudencia,
sempre con coidado.
Adiantarse os feitos
é falta de paciencia
desvía do real camiño
e da ruta da elocuencia.
Hai que andar paseniño
cada avance é unha consecuencia.
© Poesía creada por Xurxo M. Gago Chao
A modiño na vida,sempre con prudencia,
sempre con coidado.
Adiantarse os feitos
é falta de paciencia
desvía do real camiño
e da ruta da elocuencia.
Hai que andar paseniño
cada avance é unha consecuencia.
© Poesía creada por Xurxo M. Gago Chao
Ben se sabe onde estabamosnaqueles anos pasados
naquelas importantes datas
dos inesquecibles calendarios
pois os círculos vermellos
sinalan sucesos marcados
e quedan na mente impresos
e na memoria trabados.
Ben se sabe dos días que ván
e dos seus sentimentos xerados.
Ben se sabe que non esmorecen
os tristes feitos lembrados.
Poema creado por Xurxo M. Gago Chao
Repetímonos de maneira cíclicacos mesmos xestos
e coa mesma mímica,
cos mesmos feitos
e coas mesmas dichas.
Repítense de maneira cíclica
os mesmos sentimentos
e as mesmas políticas,
as mesmas representacións
e as mesmas películas.
Repítense de maneira cíclica
os mesmos chamamentos
e as mesmas razóns perdidas,
as mesmas situacións,
as mesmas indiferenzas coñecidas.
Repítense desilusións
repítense alegrías,
repítense de maneira cíclica
novos desexos para novas vidas.
Dende hoxe trinta santos
cara o final do ano,
xa pasaron moitos outros
ademais dalgún diaño.
Xa se foi tempo pasado
transcorrido e esquecido,
xa estamos nese presente
que vai pasar de corrido.
E xa no mes de decembro
vaise o outono
vén o inverno,
vén máis sentimento frío
e recollemento caseiro,
chegará o aninovo
xunto a un xélido xaneiro.
Poema creado por Xurxo M. Gago Chao
As palabras saen soas
cando o sentimento as guía
pero a cordura filtra moitas.
Fabrícanse na conciencia
e no corazón se montan,
polas veas circulan
até saír pola gorxa.
Poema creado por Xurxo M. Gago Chao
Encántame xogar
coma un meniño pequeno
e vivir o sentimento
dun divertimento eterno.
O encanto do sorriso tenro
evadido deste mundo inferno
nunha viaxe imaxinaria
a outro mundo etéreo;
faime sentir máis vello.
Máis lonxe fica
aquela inocencia que tivemos,
rastro da luminescencia
que ao pasar o tempo perdemos.
Poema creado por Xurxo M. Gago Chao
Dálle a túa gorxa unha boa aturuxada
no medio da troula e da pandeirada.
Haiche quen non da feito
o de aturuxar con xeito!
O aturuxo é artesanal,
haiche quen berra ben
e haiche quen berra mal.
Poesía creada por Xurxo M. Gago Chao
Tes zume
logo espreme,
sácalle o teu xugo
a túa alma alegre.
Deixa de mirar a vida
polo lado que mais fere,
e fixa a túa vista
polo lado que florece.
Poesía creada por Xurxo M. Gago Chao
Hai cordas que nos suxeitan,
unhas cordas invisíbeis
que, ás veces, non nos deixan;
se queremos voar
por elas ficamos en terra.
Versos creados por Xurxo M. Gago Chao
Mergúllome axiña
na frías augas da nosa terriña,
boas para a circulación
e para o corazón,
até boas para a morriña.
Versos creados por Xurxo M. Gago Chao
Dou agarimo a quen o desexe,
un agarimo que protexe.
De agarimo nunca enchido,
canto mais veña, máis vivo.
Non esquezo o cariño recibido
ollos de amor resplandecentes
que me teñen atendido.
Teño agarimo para repartir,
sorrisos, bicos a moreas
e centos de apertas por cinguir.
Poesía Creada por Xurxo M. Gago Chao
Dimo a min,
que non esquecín
moitas das cousas que vivín.
Que che vou dicir a ti,
ben sabes da túa vida
e do que che tocou vivir.
Ben sabe cada quen
do sufrimento hipotecado,
co interese que vén.
Versos creados por Xurxo M. Gago Chao
Desexos ao longo dun ano
novos sentimentos virán
novas penas, novos enganos
novos soños para alcanzar.
Novas metas, novos retos
novos sentires chegarán
novos gustos, novos sustos
novos ánimos inquedos
novas bágoas por chorar.
Novos sorrisos, novas ledicias
nova vida por fabricar.
Poesía Creada por Xurxo M. Gago Chao
Subscribirse a:
Publicacións (Atom)
