Moitos adxectivos ten a vida;

 de entre todos,

o máis usado,

é o de sufrida,

inda que sexa bonita

de sufrir ninguén se libra.

Dependendo do punto de vista

poder ser desgraciada,

negativa ou positiva.

Pode ser alterada,

amañada, ben vivida.

Inxusta, mal repartida,

ou tamén mal entendida.

Tratase de vivir,

para logo adxectivala

nunha frase ben sentida.

 Poesía creada por Xurxo M. Gago Chao

LER MÁIS

Sucesos lacrimóxenos

irritan os nosos ollos

coma a picante cebola,

laian os pensamentos

tralos sucesos patolóxicos

nunha sociedade tola.

Caese nun decaemento,

decaemento case lóxico

polo inminente futuro

que chega e afoga.

O sentimento positivo

non supera o negativo,

caen versos críticos

dun xeito imperativo,

a vida chora que chora.

Vese ao lonxe unha abertura,

abertura de esperanza nova;

quen pode, se quere, a toma.

Poesía creada por Xurxo M. Gago Chao

LER MÁIS

Pode cambiar todo

nunha faísca de tempo urxida,

nun instantáneo momento

pásase dun lado a outro

dos sentires da vida.

Crúzanse longas distancias

a vertixinosas velocidades

dende a tristura á alegría

tanto na noite como no día.

Agora gozo e contento,

logo pingas de sufrimento,

coma un catavento

ao son do vento.

 

Poesía creada por Xurxo M. Gago Chao

LER MÁIS

Hoxe vai de incomprensión.
Falar fala calquera pero o de escoitar non.
Haiche quen expón sen condición,
e haiche quen expón
para esixir logo a súa realidade.
Hoxe vai da verdade.
Hoxe vai de entendemento,
de baixar o volume da voz,
de intentar un achegamento
a unha razón con corazón.
Vai de escoitar as palabras,
vai de forte tesón,
por non impoñer as bravas
unha pretoriana razón.

Poesía Creada por Xurxo M. Gago Chao

LER MÁIS