Encántame xogar

coma un meniño pequeno

e vivir o sentimento

dun divertimento eterno.

O encanto do sorriso tenro

evadido deste mundo inferno

nunha viaxe imaxinaria

a outro mundo etéreo;

faime sentir máis vello.

Máis lonxe fica

aquela inocencia que tivemos,

rastro da luminescencia

que ao pasar o tempo perdemos.

  Poema creado por Xurxo M. Gago Chao

LER MÁIS

Tes zume

logo espreme,

sácalle o teu xugo

a túa alma alegre.

Deixa de mirar a vida

polo lado que mais fere,

e fixa a túa vista

polo lado que florece.

  Poesía creada por Xurxo M. Gago Chao

LER MÁIS

Persoalmente, 
se envío un sorriso
espero outro de volta,
espero unha simpática
simbiose perfecta
entre boca e boca.

Poesía creada por Xurxo M. Gago Chao

LER MÁIS

A miúdo sospeito
que cando ris
algo gracioso tes
 no pensamento
que non me dis.

Poesía creada por Xurxo M. Gago Chao

LER MÁIS